Simón Muñoz Veiga é o primeiro dos artistas que expón o seu traballo no Espazo de Arte de Roberto Verino de Ourense este 2025. Faino coa mostra “As Meniñas”, este pintor realista (San Amaro, 1988) que centrou a súa obra na exploración da figura humana a través de medios tradicionais como lapis de cor. Simón Muñoz presenta unha serie de retratos de nenas, cun estilo inspirado no Barroco, pero cunha reinterpretación propia que reflicte a natureza humana. A través da súa técnica precisa e detallada, o autor captura a inocencia e a complexidade das súas modelos, explorando a dualidade da fraxilidade e a fortaleza do ser humano. Os retratos caracterízanse pola súa luminosidade, intensidade emocional e o tratamento minucioso de cada trazo do rostro que evoca aos grandes artistas barrocos da época.