Escrita en 1932, Vodas de sangue baséase nun suceso real, acaecido en Almería
en 1928. Todo empezou cunha voda á que a noiva non acudiu.
Pouco despois atopouse o cadáver dun dos seus curmáns e moi preto de aí
apareceu ela, co vestido desgarrado. Lorca, admirado por como a
vida nos brinda novos dramas dun modo inesperado, tece unha obra na
que se dan cita as paixóns que nos fan humanos, desde o amor ata
o sufrimento, a vinganza, o medo e o odio. O resultado é unha sobrecogedora
traxedia que dá forma a unha idea lorquiana: aos seus personaxes téñenselles que ver «os ósos e o sangue».