Nunha aperta de xéneros, linguaxes escénicas e temas, o FITO cumpre dezanove anos de existencia co Teatro Principal de Ourense como sede principal do 15 ao 25 de outubro. Xuntos daremos a benvida a artistas, compañías e propostas escénicas anovadoras para debuxar coa complicidade dos espectadores dez días de teatro que buscan conmover, asombrar e reflexionar. Buscamos facer deste encontro teatral unha experiencia memorable, unha excelente ocasión para atoparnos no patio de butacas subliñando o valor comunitario que define ao teatro como un ben común.