Onofre sumouse en 1604 ao censo do xénero picaresco. Se Lázaro de Tormes e Guzmán de Alfarache foron “pícaros” ou “buscones”, Onofre foi guitón, sinónimo de buscavidas na España do XVII.

Coñecemos tarde a este guitón e á súa novela, perdida durante séculos. Pero os seus catastróficos avatares fanse presentes nos tempos que vivimos, marcados polo cinismo e o engano para sacar vantaxe.

“Sexan testemuñas de que sae hoxe un guitón máis á escena. Boten todos a fuxir que vén, señores”.