Sexta 5 de junho, 19:30
Vidas e historias LGBT da Idade Media –
apresentaçom com Carlos Callón
O matrimónio mais antigo entre homes documentado na península, datado em Rairiz de Veiga em 1061; o «amor» entre Sancha Pérez e Maria Leve no século XIII; todo um santoral LGBT arraigado na Galiza medieval… E também a censura e manipulaçom de textos gays ou lésbicos; a invençom no cristianismo dum novo pecado sexual, inexistente nos seus mil primeiros anos de história e o uso da homofobia como arma política.
Um exercício de memória, e umha reflexom sobre a persistência dos mecanismos repressivos.

Domingo 7 de junho, 12:30
Noite irisada –
de Beatriz Vázquez Campaña
Este documentário realiza umha panorámica, desde a Galiza, de profundos cámbios socioculturais das últimas décadas: da normalidade das práticas homossexuais em tempos passados aos inícios da homofobia, a perseguiçom, e a repressom no regime franquista, até os nossos dias. Com vozes e imagens de protagonistas das luitas que abrírom e continuam a abrir caminhos.

Domingo 21 de junho, 12:30
Vicio houbo sempre –
narraçom oral com Atenea García
“Vício houvo sempre, graças a dios”. Dessa frase nascerom umha cheia de conversas com mulheres de mais de oitenta anos, arredor do desejo, o prazer, a sexualidade… Histórias de vida que recolhem o invisibilizado, o diverso, o supostamente proibido, e que aqui colhem, acompanhadas de pandeireta, o espaço e voz que nunca lhes deveu ser negado.

Vem pola rua Oliveira 2-4 e participa do Centro Social!