Homero Manzi, autor de letras tan célebres como a do tango “Malena” ou a da “Milonga sentimental”, foi, ademáis de poeta, xornalista, guionista e director de películas do cine clásico arxentino. Participou en política, a través da Unión Cívica Radical, e sufriu represión académica pola militancia que remataría no peronismo. Criouse nos barrios populares de Buenos Aires, que inspiraron a súa obra e vida. Ricardo Coronel revisa nesta entrega de Chamuyando tango a figura de Manzi a través da súa biografía e temas. Escoitamos “Romance de barrio”, Fuimos. “Por que no me besas”, “Malena”, “De barro”, “Sur” e o “Responso”, que lle dedicou Anibal Troilo cando a súa prematura morte con 44 anos.
