Rubén Juárez, cantor, bandoneonista e compositor, recoñecido como unha das figuras máis renovadoras e emblemáticas do tango na última metade do século XX. Destacou pola súa particular capacidade de cantar ó tempo que tocaba o bandoneón de pé, rompendo coa postura tradicional de facelo sentado. Ricardo Coronel revisa a traxectoria de Juárez a través da súa biografía, formacións que liderou e de pezas como Fangal, Mala entraña, Pobre gallo bataraz, Tembralndo ou Tormenta. Emociónase Ricardo recordando as tardes que pasou coa súa familia animando ó Racing na cancha de Avellaneda, paixón común que inspirou a Juárez o tango Se juega.
Neste episodio rendemos homenaxe a Carlos Alberto “Indio” Solari, músico, compositor e cantante, recoñecido internacionalmente como líder e vocalista da mítica banda de rock Patricio Rey y sus Redonditos de Ricota, falecido a principios do mes de xuño. Evoca Ricardo Coronel os seus multitudinarios concertos, que case sempre remataban a trompadas coa policía, como o celebrado no Estadio Único de La Plata, en 2008, do que procede a grabación de Un ángel para tu soledad.