A falsa imaxe do tango, que sitúa a súa orixe unicamente na marxinalidade social, é tema deste episodio de Chamuyando no que Ricardo Coronel aborda historias perdidas e desmonta mitos. Sabemos das primeiras mulleres que tomaron protagonismo nun mundo masculino, escoitamos poemas de Edmundo Rivero en lunfardo, coñecemos ó poeta anarquista Evaristo Carriego e descubrimos a importancia de varios galegos de Galicia na composición e no cine vencellados ó tango. Ricardo canta Aquaforte, un dos escasos tangos compostos fóra da Arxentina ou Uruguay.
