A coñecida como “década infame da Arxentina”, entre 1930 e 1943, foi un período política e socialmente moi convulso marcado por sucesivos golpes de Estado e procesos electorais fraudulentos. Iniciouse trala crise económica de 1929 que colapsou o modelo económico tradicional agroexportador e deu paso unha industrialización moi condicionada polas importacións. Implicou tamén a masiva migración do campo ás cidades, a creación dunha nova clase obreira e o nacemento do peronismo. Ricardo Coronel repasa estes episodios da historia arxentina que desembocaron noutras desgrazas políticas autoritarias que chegan ata ós nosos días. Todo ilustrado con tangos alusivos como “Al mundo le falta un tornillo”, “El que atrasó el reloj”, “Donde hay mango”, “Bronca”, ou o sempre vixente “Cambalache”.
