Horacio Arturo Ferrer Ezcurra, uruguaio-arxentino de nacemento, foi escritor, poeta e historiador do tango. Compuxo máis de duascentas cancións e escribiu libros de poesía e historia. Con Astor Piazzolla fixo a mítica “Balada para un loco” ou opereta “María de Buenos Aires”. Neste episodio de Chamuyando tango, Ricardo Coronel fai un percorrido pola súa biografía, influencias e compañías artísticas. Escoitamos “Soy un circo”, “Libertango”, “La última grela”, “La bicicleta blanca”, “Yo soy María”, “Canción de las venusinas”, “Balada para mi muerte” e “Balada para un loco”.
