Nelly Omar, cantante, actriz, aviadora e fervente seareira do Racing, o club dos seus amores, foi unha muller rebelde e multifacética; a cantora nacional da Arxentina por excelencia, a artista que abriu e marcou o camiño para as mulleres que querían inclinarse pola canción e non achaban lugar. Ela foi a primeira empoderada da arte que rachou con todo tipo de prexuízos. Neste episodio de Chamuyando tango coñeceremos detalles da súa biografía e escoitaremos Cornetín, Barrio Pobre, Despues, La descamisada, Monte criollo e Parece mentira. Ricardo Coronel canta outra das preferidas de Nelly Omar, Tristeza criolla.
