Na galería Dodo Dadá presentamos un novo artefacto de Saurobuks, “Fogo fixo e voador”, de Paulo Hortak (heterónimo de Gaspar Domínguez) e Óscar Sánchez. Coa sala chea de público, entre os “Heroes do refugallo” de Manolo Figueiras, Alfonso Rodríguez falou da traxectoria do autor, comentou a obra e introduciu a lectura de poemas, que fixeron o Cristina Mariño e Paco Domínguez acompañando a Hortak, mentes Óscar Sánchez reailzaba en vivo unha acuarela que se proxectaba nunha das paredes do local
“A guerra, o ecocidio e a escravitude non conseguen desanimar a atávica celebración dos pobos, nin tampouco a nosa esperanza no triunfo da inocencia sobre o egoísmo. Alén da pirotecnia literaria, a poesía sabe inzar utopías tralo cerco do ego. Eis a tirada sen ruído do Paulo Hortak, unha escolma de versos e aforismos que abrangue 25 anos de existencia do heterónimo.”
“É fama que nos nosos días visibles exércitos impoñen leis e horrores e que entregan o humano ao castigo, á uniformidade e á vixiancia extrema. [Manda quen di fogo] É por iso que, no verdadeiro (ou mesmo no aprócrifo), iste Fogo fixo e voador desmonta, coa decencia de quen camiña por un bairro ou unha aldea, a odiosa intensidade dos piores resentimentos ou sangues.”
Amauta Castro
“O libro está ilustrado por unha selección de incríbles debuxos automáticos por parte de Óscar Sánchez (@eukeseiii) que aportan un carácter aínda máis radical a esta proposta. Óscar debuxa sen fixarse en modas ilustradoras e sen títulos ningúns pero cunha forza visual arrebatadora que acompaña aos versos e aforismos de Hortak dunha maneira tremenda e sinceiramente visceral.”
Alfonso Rodríguez
Pingback: Presentadión "Fogo fixo e voador" en Ourense ⋆ Saurobuks