Comezamos unha serie de testemuños recollidos na voz de veciñas e veciños maiores da zona antiga de Ourense sobre a súa historia vital, os recordos de como era o barrio nos tempos nos que tiña moitos habitantes e gran actividade comercial e social. Como foi o seu declive e que problemas e carencias teñen agora para seguir vivindo nel. Alfonso Cid fala con Pepita Moure Cid na súa casiña de bonecas situada nun baixo da rúa Liberdade. Laura Vázquez visita a Manoli Tesouro na tenda de corsetería da rúa Cervantes, na praza da Ferreiría, un dos poucos comercios tradicionais que sobreviven na zona sur do casco histórico de Ourense.