No seu local do casco vello de Ourense o Comité Cidadán Anti Sida mantén o servizo de “Calor e café”, un espazo onde persoas que viven na rúa achan a diario un almorzo, a posibilidade de socializar con iguais e apoio para resolver algúns dos seus problemas. Esta asociación, dende finais dos anos 90, desenvolve na cidade un labor de concienciación sobre a realidade do VIH e a Sida, accións de prevención e servizos de axuda ós afectados como a casa de acollida para enfermos de Sida. Radio Liverdade estivo na sede do Comité e falou con usuarios e traballadores.
