A prematura morte de “Five”, o loro yaco de cola vermella que imperaba no despacho do alcalde dorense, destapa un pasado avicida do rexedor ó transcender que o nome de Five, cinco en inglés, responde a que era o quinto loro que o fundador de Democracia Orensana tivo na súa vida. Considerando que estes paxaros, ben coidados, poden acadar ata os 80 anos de existencia, todo apunta a que o óbito de Five puido deberse á sobre exposición do papagaio ós excesos do entroido sobre o ombro do alcalde co seu traxe oficial de pirata. Sería así Five un mártir do entroido ourensán, en seria competencia con Ravachol, loro emblemático do carnaval de Pontevedra.
