O proxecto de instalar unha planta de biogás na Limia, no concello de Xunqueira de Ambía, provoca un forte rexeitamento popular porque incrementaría os problemas de contaminación que xa padecen as terras de Antela por culpa da gandeiría industrial e a agricultura intensiva. A Limia é territorio saturado de nitratos, produto dos xurros e gallinácea das granxas, que acaban nos cursos de auga e provocan casos coma o envelenamento por cianobacterias do río Limia no encoro das Conchas. Radio Liverdade fala con Iria Celtia González, da plataforma cidadá que se opón á planta de biogás informando sobre a realidade deste tipo de industrias e recollendo sinaturas para formalizar alegacións ó proxecto.
