Cristina Asenjo: entidade luminosa, muller-música, ourensá orgullosa, recopiladora de cantigas, profesora e divulgadora da música popular galega, parte de La Matumbá e doutras gloriosas formacións, alta dignidade do Partido Froilanista, traballadora xenerosa, a mellor amiga, licenciada en dereito que nunca exerceu. Cristina Asenjo, localcelebrity, é a protagonista do “Vaille co conto a Fulanita, Citranita e Menganita”, o novo podcast de Radio Liverdade no que Belén de Andrade, Nuria Erre Pe e Figui preguntan e xogan para definir á persoa e O personaxe. Gravamos no Café Cultural El Pueblo a finais de maio, con Alfonso Cid na parte técnica. Escoitamos Alba de Amor, de Menchu, Tolemia, de Cristina Pato e Jurema Oh Jurema, de Jossi Yakecan.
