Velaquí o comezo dunha iniciativa de divulgación académico-científica que se desenvolve no seo da materia “Investigación e innovación en educación musical” do Máster Universitario en Investigación e Innovación en Didácticas Específicas para Educación Infantil e Primaria da UVIGO (http://dides.webs.uvigo.es/gl/informacion/plan-de-estudos/). Malia desenvolverse no Campus de Pontevedra, a impulsora desta iniciativa é Lucía Casal de la Fuente, docente da Facultade de Educación e Traballo Social do Campus de Ourense, que imparte nese mestrado. Esta docente propuxo ao seu alumnado transformar textos científicos e académicos vencellados coa investigación e a innovación en educación musical a un formato divulgativo a modo de podcast. Os textos foron ben propostos polo alumnado, ben escollidos entre unha lista que proporcionou o coordinador da materia. As gravacións foron feitas polo alumnado da materia, que outorgou consentimento informado para a súa divulgación en Radio Liverdade. Tal e como manifestou o alumnado na entrega destes podcasts, estes constan das súas voces así como de efectos sonoros ben de produción propia (que inclúen o uso da voz e incluso pequenos fragmentos creados e interpretados polo propio alumnado coa frauta traveseira), ben de descarga e uso libre (recuperados de bancos de sons libres de dereitos, que non requiren atribución, contando con licenza Creative Commons).
Os podcasts divulgan os seguintes textos académico-científicos:
Podcast 1: Jorquera Jaramillo, María Cecilia (2006). Educación musical: Aportes para su comprensión a partir del origen de la disciplina. Investigación En La Escuela, 58, 69–78. https://revistascientificas.us.es/index.php/IE/article/view/7318/6466
Podcast 2: Montes Contreras, Ana Yamileth, & López-Pastor, Víctor M. (2024). Expresión corporal e educación emocional: resultados dun programa en Educación Infantil. EmásF, Revista Digital de Educación Física, 86, 11-29. https://emasf.webcindario.com/Expresion_corporal_y_educacion_emocional.pdf
Podcast 3: Botella, Ana María, & Adell, José Rafael (2016). Una propuesta experimental en la enseñanza de la música en secundaria. Cuadernos de Música, Artes Visuales y Artes Escénicas, 11(1), 67-81. https://roderic.uv.es/items/dcd6c455-0db1-4655-bb76-e13fa30c0656
Podcast 4: Odena, Óscar (2013). Creatividad en Educación Musical: una exploración cualitativa. En Maravillas Díaz, & Andrea Giráldez (Eds.), Investigación cualitativa en educación musical (pp. 99-115. Graó.
Agardamos que esta iniciativa poida contribuír a achegar á sociedade os resultados de proxectos de investigación e de innovación en educación musical.